(...)
Toponimo honetan harri izena idoki 'aterea' partizipioa, eta -eta atzizkia daukagu [Ikus Mitxelenak PT-eko 150-152. orrialdeetan egiten duen Zumaiako oraingo Arritokieta (Arridokieta lehen)-ren azterketa.]. Jatorrizko Arridokieta-tik 1708ko Ardoquieta edo Ardioqueta ateratzen da, Ardoquietas bilakatua 1800erako eta Arduquetas 1836rako. Gaur bizirik dagoen aldaera azken hori da, eta ikusten denez pluralgile erromantzea itsatsi zaio ([àrdukétas] ebakitzen da), tokian tokiko euskara galdu ondoren beste hainbat toponimo desitxuratu(xe)ri bezala. Reta Janárizek [EHZE, 495. or.] Orduquetas [Hau da azken katastroko aldaera bakarra.], Arduquetas eta Ardunquetas biltzen ditu, eta ardo izenaz, -keta "ugaritasunezko atzizkia"-z eta -s pluralgileaz osaturik dagoela uste du. Interpretazio honek, bistan denez, ez du inolako funtsik. Arridokieta-k Indusi, Zamiki eta Txirrialdea-rekin mugatzen du, eta errepidea eta Camino de Indusialzina-ren artean dago, azken hau ukitzera iristen ez delarik.
(...)

(...)
[-Eta gure eskualdean. Lerga] Harri izena, idoki 'atera', 'kendu', 'erauzi' partizipio-adjetiboa, eta -eta ditugu toponimo honetan. Adiera 'harri aterea dagoen tokia' edo 'harri erauziak dauden tokia' bide da.
(...)