(...)
Arras zer izan daitekeen ez dakigu; hasierako val- hori, erdarazko val 'ibarra' dela dirudi. Izan ere Plandeoliva-ren barrukotzat jotzen den Valdarras [baldárras] dermioa Kasedako lurretatik Aragoa ibairaino doan Barranco de Valdarras-en inguruko lurrek osatzen dute. J. Gárrizen arabera [Despoblados, 21. or.], Galipentzuko Erdi Aroko despoblatuetako bat da. Gure ustez baliteke bertan dagoen La Torraza antzinako herrixkaren aztarna izatea (ikus Torraza eta Nuestra Señora sarrerak). Facería de Valdarras aipatu errekaren ondoko Kasedako mugako eremu zabala da [Auzo herri honetako dokumentazioan ere askotan azaltzen da Valdarras toponimoa.]; Fuente de Valdarras Zarrakaztelura doan bidea eta erreka gurutzatzen diren puntuan dugu, bihurgune txiki batean, eta Paco de Valdarras errekaren ondoko elutsa da. Hauetatik hurbil, Kasedako mugan bertan, bide batean, Portillo de los Lobos izeneko portilua dago, 1765eko Portillo de Valdarras bera, antza.
(...)