(...)
El Modrojal-ek modrojo 'arbutus unedo' [Ikus Iribarrenen VN-ko modrollo sarrera.] asko dagoen tokia adierazten du, eta izen arrunta den modrojera-ren esanahikidea da. Modrojo-a, bere aldetik, modrollo (gurbitza?) deitu pikorrak ematen dituen landarea da. Hemen ikus daitekeenez, landarearen eta fruituaren izenek bilakaera diferentea izan dute, lehenaren belarea gaztelaniaren eraginari zor zaiolarik (cf. Los Cascallos 1570ean / Los Cascajos 1710ean Oibarren [PRA-Oibar, 2. k-bis, eta 32. k.], edo Galipentzuko bereko coscojo / coscollina [Ikus Lecino sarreran esan duguna.]). Uxuen berriz modrollo esaten zaie bai fruituari eta bai landareari, nafarreraz eta aragoieraz ohizkoa zen alboko sabaikariaz. Herri honetan aztergai dugun El Modrojal-en kide zehatza den El Modrollar dermioa ere bada, Galipentzuko mugan (ikus sarrera hau), Aurino-n. Barranco del Modrojal beherago Barranco de Ondallu deitzen den ubide bera dugu.
(...)