(...)
Gaurko El Mayo aldea zen, errotara eta Zangozara zihoan bidearen inguruko alderdia.
(...)

(...)
[Dermio baten zatiketa. Zabala] Formari dagokionez zabala sarri askotan bakarrik azaltzen da, beste deusen laguntzarik ez duela. Honelakoetan eremu lauak adierazten ditu, eta erdarazko El Llano, Los Llanos-en baliakidea da. Beste batzuetan beste oinarri bati atxikirik aurkitzen dugu, alderdi baten alderdi laua adierazten duelarik. Gehienetan oinarriari zuzenean lotzen zaio, bestelako bitartekotzarik gabe: Abaitzabal (Epaiz), Akirazabal (Uxue), Indurainzabala (Moriones), Xaugizabal (Eslaba), Santsoainzabal (Lerga)... Beste batzuetan, ordea, leku-denborazko genitiboaren morfema ere azaltzen da oinarriaren eta zabala-ren artean: Garandako zabala, Ibarreko zabala (Galipentzu). Adieraz den bezainbatean, zabala-k alderdi lauak adierazten ditu, arestian esan dugunez, bain alautasun hori batetik bestera franko aldatzen dela ezin daiteke uka. Uxuen, esate baterako, Akirazabal Aguilar deitu mendiaren ezpiko aldea dugu (bi hauen arteko etimologia-loturaz ikus Uxueko toponimia aztertzean dioguna), alegia, mendia zelaitzen den gunea, bertan muino, aldapa, erreka eta errekasto ugari dauden arren. Galipentzun aldiz, Garandako zabala eta Ibarreko zabala Garandako harana eta Ibarreko harana deitu haran edo sakanak zabaltzen ziren alderdiak genituen, hau da, bi aldeetako horma moduko mendiko luzeak ("cantera"-k alegia) bukatu ondorengo alderdi zabalak, "pareta"-rik gabekoak.
(...)

(...)
Ibarreko zabala aztertzerakoan esan moduan, El Mayo izen berriak XVIII. mendearen erdi aldera arte bizirik iraun zuen gaurko Ibarreko harana-ren ondoko Ibarreko zabala ordezkatu zuen. El Mayo-ren jatorria maiatzaren batean Nafarroako hainbat herritan jarri ohi den zuhaitzean bilatu behar genuke agian, gehienetan zuhaitz hori (bagoa, txipua...) plazan jartzen den arren (alabaina, Atondo bezalako herri batean La Sierra edo Bizkai-ko La Peña del Mayo-n jartzen da bago adarra [Informazio hau Jimeno Juríori zor diogu.]). Guztiarekin ere, Galipentzun zuhaitza jartzeko ohitura ezezaguna da orain.
(...)