(...)
Corominasen arabera cubilar Aragoan erabiltzen da, eta cubil 'basapiztiak lotarako biltzen diren lekua'-ren eratorria da. Iribarrenek "corral de acubilar ganado" dela dio. Gure alderdiko dokumentazioan 'aziendak hersteko lekua' adiera duen izen arrunta ohi da. Ez dago garbi, halaz ere, zer azienda mota hersten ziren honelakoetan. Boyeral de Kaparreta-n dago, herri-lurrean, eta balirudike cubilar abelgorrientzako tegia dela [Dena den, eta esan bezala, azken garaietan Kaparreta ahuntzentzat altxatua zegoen, ez azienda gorrientzat. Orain lerrez estalia dago, eta beraz ez batzurentzat ez besterentzat da on.]. Galipentzuren ondoko Kasedan Los Cubilares toponimoa azaltzen da 1766an [PRA-Oibar, 66. k.].
(...)