(...)
[Euskararen mugak. San Martin Unx] Javier Zubiaurrek Berraderen eritzia beretzen duela dirudi [Toponimia...", 442. or.], eta izen hau euskalduntzat jotzen duela. Berraderen arabera lur eta berri-z osaturikako luperri 'labaki' litzateke honen sorburua, baina euskaraz ohizkoa lu(r)berri da [Arakil-Uharten *Lupérrieta-tik atera datekeen Lupérta dugu orain, eta Urbasako eremu bat izendatzeko Luberri eta Lubierri aldaerak erabiltzen dira (cf. Zarategi / Zaratiegi, Zarikegi / Zarikiegi...).]. Bukaerako bokalaren apokopea eta tartekoaren diptongatzea zeri zor zaion edo nola azaldu behar den aipatzen ez den arren, badirudi Berradek Menéndez Pidalek Etxaberri > Javier-erako proposatzen duen aldaketa [Toponimia prerrománica hispana, Gredos, Madril, 1952, 10-15. orr. Bi toponimoen arteko lotura, dena den, Vinsoni bururatu bide zitzaion aurrena, aipatu lan horretan ikus daitekeenez.] zuela gogoan, hau horrela zen seguru ez dakigunagatik, pentsa daitekeenez.
(...)