(...)
[Euskararen mugak. Erriberri] Jimeno Juríok Tafallan opatu duen Chibiri alto [THET, 95. or.] Erriberrin azaltzen den bera dela dirudi, aipatu autore horrek dioen gisa bi herrion arteko mugan ze¬goenez gero: "En el amugamiento de los términos de Tafalla y Miranda de Arga, figura un mojón en el Alto, llamado Costal del Rey en Miranda, y Chivirí alto en Tafalla. En acta de revisión de mojones entre Tafalla y Olite, del mismo año, aparece uno en el término del Saso de Tafalla y de Chivirí alto de Olite" Ikertzaile artaxonarraren arabera Txibiri onomatopeia bat izan daiteke edo euskal etorkiko elementu bat. Gure ustez toponimo honen bigarren osagaia (bi elementuk osatzen dutela uste baitugu) euskarazko -bidea-ren desitxuraketa den -biria izan daiteke, honelakoetan errotazismoa ohizkoa izateaz landara dokumentazioan artikuluz eta artikulurik gabe azaltzen delako, beste euskal leku-izen anitz bezalaxe. Gainera, dugun lekukotasunak aski laguntzen dio gure uste horri [1579. Chibiri urte berean ediren dugu, artxibategi eta karpeta berean].
(...)