(...)
Dok.: Ainhoa XX. mendean. // Ebakera: Ainóa. Lanfúsentxià ere erraten zaio. // Kokalekua: Antsolokuetako egungo azken etxea, Lakain-Apezborro auzo aldera. Aitzinera joz Azpidea dugu lehenengoa. // Etimologia azalpena: Irudi du Lapurdiko Ainhoa herri izena dagoela oikonimoaren jatorrian. Bertzerik da toponimoaren oinarrian zer dagoen erratea, hots, herri izenaren oinarrian zer dagoen azaltzea, eta ez da erraza. Goihenetxek (1966: 9) biltzen dituen testigantzetan zaharrena 1238ko Aynoa da; h-dun aldaera lehen aldiz 1243an ageri da (Jordanus de Aynhoa) eta, beraz, erran daiteke izena ez dela (ia) aldatu aurreneko lekukotasunetatik gure egunekoetara. Bukaera, -oa, zenbait aldiz lekua adierazten duen atzizkia izan daiteke (Salaberri, 1997), baina ez dakigu seguru hemen hala den, bertzeak bertze oinarrian zer dagoen ez dakigulako. Kasu honetan, oikonimoaren berria ikusirik, erran dezakegu jabeak Ainhoa leku (edo jende) izena gogoko zuelako eman ziola etxeari.
(...)