(...)
barrio de Olábezar
(...)

(...)
086-45 007
(...)

(...)
086-45 007
(...)

(...)
AYALA/AIARA
(...)

(...)
Auzoa / Barrio: ED50 30T X.498512, Y.4767285, alt. 280 m. // Amurriotik Arespalditzara doan A-624 errepidean aurkitzen dugu lerro-lerro auzo hau. Auzo barreiatuko lehenengo etxeak Saraubeko gaina igaro eta Izoria ibairako jaitsiera hastean daude. Amurriotik etorriz gero, Arriaga da aurkitzen dugun Aiarako lehenengo auzoa eta, beraz, muga izaera dauka. // Badirudi leku honen lehen aipamena 1114koa dela, Obaldiako monasterioaren emate ekitaldiko lekukoen artean Harriaga forma ageri baita. Auzoaren jatorrizko izena Arriaga da dudarik gabe eta hala aipatzen dute bai Madozek (1845-1850) eta bai Becerro de Bengoak (1877). Ahoz ohikoan entzuten den La Cadena erak, edota herriko kartografian ageri den La Cadena de Arriaga konposatuak, garai batean mugako toki honetan egondako aduanako kateari egiten diote erreferentzia. Jatorrizko toponimo sekularraren ordez generikoa hedatzea saihestu beharra dago eta, beraz, ez da egokia seinaleztapen ofizialetan eta udaleko zerrendetan La Cadena hutsa erabiltzea. Hala eta guztiz ere, generikodun forma osoa ofizial bihurtu nahi izanez gero, elebitan eman beharko litzateke, hau da, Arriagako katea / La Cadena de Arriaga. Arriaga hitza euskal eratorria da, (h)arri izen arruntaz eta -aga leku-ugaritasunezko atzizkiaz osatua eta, beraz, ‘harriak dauden tokia’ edo, besterik gabe, ‘harria’ esan nahi du gutxi gorabehera. Arespalditzarantz behera goazela, Izoria ibaitik gertuago errepidearen ezkerraldera, Arriagabe toponimo txikia aurkitzen dugu, eta ‘Arriaga azpian’ esan nahi du
(...)