(...)
ayala/aiara
(...)

(...)
086-36 081
(...)

(...)
Barrio Aspichueta. [Barrios] Murga (Ayala)
(...)

(...)
086-36 081
(...)

(...)
AYALA/AIARA
(...)

(...)
Auzoa / Barrio: ED50 30T X.498141, Y.4769875, alt. 225 m. // Zerralde errekaren bazterrean daude etxe hauek, Arespalditzatik Luiaondora doan A-3622 errepidean lerro-lerro. Izan ere, La Iglesia auzora doan bidegurutzetik gertu, eta apur bat aurrerago, San Martin auzora heldu baino lehen. // Auzo honen jatorrizko izena Arespetxueta da eta halaxe dokumentatzen da 1566ko auzi baten agirian, nahiz eta XVII. mendean jadanik egungo Aspetxueta forma laburtua ageri den. Gernikako batzar etxean gordetzen den 1756ko kaparetasun-espediente batean aurkitzen dugu, abizen legez ez ezik, oinetxe bezala ere: // «Expediente de Hidalguía de Tiburcio de Isasi Ugarte Echevarría Aspechueta. Natural de Barambio. Residente en Arrancudiaga. Contiene noticia de los solares de Isasi y Pagazaondo en Barambio, Ugarte en Amurrio y Aspechueta en Murga». // 1930ean Saspichueta izen akastuna ere aurkitzen dugu. Egungo herriko kartografian Aspitxuéta aldaera dator eta Mapa Topográfico Nacional delakoak [33 1997, 86-III] Galpichuela toponimo desitxuratua dakar zehaztu gabeko eremu horretan. Euskal izen konposatua da eta haren osagaiak aretx ‘haritz’ (Quercus robur) edo ‘zuhaitza’ oro har, eta -pe ‘behe’ dira, eta elkarketa horri -txu atzizki txikigarria gehi ugaritasuna edota tokia adierazten duen -eta erantsi zaizkio
(...)