(...)
Ardui-n dago, alderdi honetako pausutik hurbil, errekastoan. Kasu honetan, iturri-izen berri gehienetan bezala, ondoan alorren bat, gorteren bat edo ondasun zerbait duen pertsonaren izena (Alberto, Fausto...), deitura (Berrade, Moriones) edo izengoitia (El Chulo) erabiltzen da iturria bataiatzeko edo birbataiatzeko, iturri hauetako batzuek gutxienez izen zaharra izan behar baitzuten. Beste batzuetan etxe-izena (hots, etxe horretakoen ezizena) edo lanbide-izena (Fuente de los Guardas) izan ohi dute.
(...)

(...)
Harri-ren elkarketako aldaera izan ohi den har- eta -dui(a) atzizki multzokaria ditugu hemen [Ikus atzizki honi eskaini atala. Ikus, halaber, gure DAON.]. Gaurregun gehienetan Ardui [àrdwí] edo bukaera erromanizatzailez Arduiz [àrdwíz] ebakitzen den hau herritik hurbil dago, Txutxu eta bi Aldabe-en eta San Martingo mugaren artean. Ardoi [àrdói] ere aditu dugu [Lucio Berraderi bakarrari ordea.], baina hemen atzizkiaren bilakaeran oinarriaren moztasunak ere zerikusia izan ahal izan du [Ikus DAON-en dioguna.]. Iragan mendeko Ardui alto eta Ardui bajo-k euskal *Arduigoiena (dokumentatugabea) eta Arduibarrena-ren erdal ordainak irudi dute, eta beharbada Txutxu aldeko (alto) eta Aldabea-en aldeko (bajo) eremuak bereizteko erabiliko ziren, ezker-eskuineko banaketa egiten ez bazen behintzat, Txutxu-n bezala (cf. oraingo Txutxu alto / Txutxu bajo). Dokumentazioko Fuente de Ardui egungo Fuente de Bartolo izan daiteke, baina hau ez da segurua, iturri batzuk ahitu eta beste batzuk sortu ahal izan direlako. Paso de Ardui, azkenik, "Corral de Burgui"-ren azpiko errekastoan dagoena izan daiteke, aipatu iturri horren ondokoa, Txutxu bajo-tik datorren bidean dagoena.
(...)