(...)
Loya Moriones, Irangote, Arteta eta Eslabaren arteko herrixka orain despoblatua da, eta Río de Loya hortik heldu den ubidea (Loiaerregua edo Loiaerreka). Dokumentazioko Cabezo del Carasol de Loya oraingo Alto de Jaugia eta lehengo Jaugiburua bera da.
(...)

(...)
Loia herri izenaz eta erregua 'erreka handia'-z osaturik dago [Atondo herrian Erregua edo Uerregua (< ur + erregua) dugu (J. Jurío, TCPCI, 128. or.), eta Longida ibarreko Meotzen Erregua: "Mas otra viña...en Erregua…que afronta con el regacho"(Agoizko hipotekak, 3. liburua, 39. or.). Erregua beste batzutan neurria da ('robo' edo 'robada'), ez erreka, batez ere zenbatzaile batek lagundurik dagoenean. Ikus IGI-en erreka eta erregua-z dioguna.] (ikus Leatxeko Erregumaiorea eta Zareko Regandia eta Errengaitz sarrerak). Erdal Río de Loya-ren ordain euskalduna da.
(...)

(...)
Aurreko hidronimoaren errankidea zen. Ubidea handi samarra denez gero, erregua azaltzen da gutiz gehienetan dokumentazioan.
(...)

(...)
[Dermio baten zatiketa. Erreka, erregua] Gure alderdian erreka-k erdarazko 'barranco' adiera izan ohi du ('acequia' esanahia ere badu noizean noiz), eta hau baino ubide handiagoak aditzera eman behar direnean erregua aurkitzen dugu (río erdaraz), baina ez herri guztietan, ez eta generiko moduan ere. Dena den, erreka erdarazko río-ren baliakidea ere izan daiteke, Morionesko Loiaerreka (Río de Loya erdaraz) edo Ezporogiko Baserrekandia (Río de la Magdalena Morionesen, Río Tejería Zaren)-n adibidez. Alabaina, lehen kasuan normalena Loiaerregua da, eta bigarrenean ikusten denez erreka-k handia izenondoa darama aldamenean (cf. Erreka haundia 'Urumea' Goizuetan [Honetaz TDI-n mintzo gara]). Erreka eskuarki -ko-ren arartekotzaz lotzen zaio oinarriari: Araneko erreka, Olibetako erreka (Ageza), Meazuko erreka (Galipentzu)...baina morfemarik gabeko izen bat ere badugu, hain zuzen ere Loiaerregua 'río de Loya' gisa azaldu ohi zaigun Loiaerreka.
(...)