(...)
[-Eta gure eskualdean] Toponimo guzti hauen azterketatik honako ondorio hauek atera ditzakegu: [...] 5.- Gaia ukitu duten autoreek aipatzen ez duten -kieta aldaera ere aurkintzen dugu geure eskualdean: [...] B-Ez-txistukari ondoan: Buchuqieta (Eslaba, 1642 [Id., 24. k.]); Espelquieta (Eslaba, 1684 [PRA-Kaseda, 2. k.]); Mondakieta (Lerga); Ormakieta (Galipentzu); Zarikieta (Leatxe).
(...)

(...)
[-Eta gure eskualdean. Leatxe] Zarika 'saratsa' edo 'isatsa' [AV, 164. or.] eta -eta-z osaturik dagoela irudi du, baina Zareko toponimia aztertzean ikusten denez, gure alderdian saratsa (cf. Herri horretako Saratsea, Saratseta) eta utsasa erabiltzen ziren (cf. Herri honetako Utsaskieta, Utsaskietarana), eta beraz zarika ere azaltzea bitxi samarra iruditzen zaigu. Alabaina, zarika zenbait tokitan 'zumea' da, eta badaiteke hemen ere esanahi hori izatea. Corominesen arabera euskarazko zarika izen zeltiar batetik (salîco-tik) atera da, katalanerazko sàlic bezalaxe: "Un altre nom de planta encara: el cat. Sàlic 'espèce de saule, Salix purpurea' és evident que no pot venir del ll. salix, per raons fonètiques, sinó del celta salico- (irl. Ant. Sail, sailech); quant al cat. I arag. Sarga, sarguera, i basc zarika 'Salix amygdalina', sembla tractar-se d'una forma ibero-basca presa del mateix mot cèltic, que va a arribar al romànic per conducte de l'iber" [ETC-I, 75. or.]. Bestela, *Zariketa > Zarikieta pausoa azaltzeko egon daitezkeen arazoak aise gaindi daitezke aintzat hartzen badugu batetik, gure alderdian -eta-ren aldaera den -kieta arrunta dela, eta bestetik honen antzeko prozesua jasan duen Zarikegi > Zarikiegi herri-izena ere hor dugula (cf. Gainera, Luberri / Lubierri Urbasan). Azken kasu honetan lehena da zaharrena [Ikus Jimeno Juríoren TCPCI, 193 eta 289. orr.]; herriaren izen herrikoi eta euskalduna den Zarikai (< *Zarikei < Zarikegi) ere diptongorik ez duen aldaeraren aitzinatasunaren alde mintzo zaigu, itxuraz.
(...)

(...)
Leku-izen honen etimologiaz ikus -eta-ri eskaini atalean dioguna. Behin bakarrik dokumentatu dugu egun ezezaguna den toponimo hau, 1594ean.
(...)