(...)
Behialako Los Piélagos edo Usuñeta bera izan zitekeen. Oibarbidea-ren azpiko aldean zegoen, erreka batean seguruena (Río oscuro-n ala Barranco de Olibeta-Barranco de Nobeletaondoa-n?. Cf. Pozo de Olibeta).
(...)

(...)
[-Eta gure eskualdean. Leatxe] Osuin (*usuin?) 'osin, putzu' eta -eta dira honen bi osagaiak.
(...)

(...)
*Usuin (< osuin) 'osin', 'putzu' izena eta -eta leku-ugaritasunezko atzizkia ditugu toponimo honetan. Esan denez, erreka batean bide zegoen Los Piélagos-ekin identifika daitekeela uste dugu [Mitxelenak dioenez leize eta osin-en arteko aldea zera da, bigarrena uretan dagoen putzua dela, lehena ubideetatik at egoten den bitartean: "Casi seguramente le(i)ze y osin no eran sinónimos (aun ahora, creo, cuando se habla de simas profundas en el agua no se emplea más que osin...)". "Materiales para la colección epistolar de Luis Mitxelena", J. Mª Satrústegui, FLV, 54, 1989, 243-275. orr.], Usuñeta ere erreka batean baitzegoen. Badakigu Camino de Aibar edo Oibarbidea ondoan zegoela. Guzti honengatik baliteke gaurko Pozo de Olibeta eta antzinako Usunbiribila bera izatea, baina hau balizko kontu hutsa da. Baliteke, halaber, Agua de los Linos eta Los Linos -en esanahikidea izatea.
(...)

(...)
Los Piélagos-ek gure alderdian eta hemendik lekora ere 'los pozos' adiera izaten du, eta liho-butzuekin zerikusia izan dezakeela dirudi, nahiz hau ezinbestekoa ez den. Tafallan Jimeno Juríok beste era batez El Pozo redondo itxurapean agertzen den El Piélago de la Presa aurkitu du [THET, 158. or.]. Autore honek dioenez Zidakos ugaldean egindako zuloa zen hau. Leatxen Butzuandia, Butzuandieta eta Pozo bat baino gehiago daukagu, eta badaiteke hauetako bat eta aztergai duguna bera izatea. Guztiarekin ere, Los Piélagos-en ordain zehatzena Usuñeta (< osuin, *usuin 'osin' + -eta) dela uste dugu. Los Piélagos Leatxen ezezik, Zaren eta Oibarren [PRA-Oibar, 36. k, 1720.] ere agertzen da.
(...)