(...)
[-Eta gure eskualdean. Eslaba] Honen bukaeran euntze 'larre' izena eta -eta atzizkia izan genezake, baina kontua ez dago garbi, honen aldean Sortengortea eta Sortengorteta ere dokumentatzen direlako. Sortengo- zer den ere ez dakigu; tarteko -go- hori leku-denborazko genitiboaren ozen ondoko aldaera izan daiteke, baina hau ez da segurua.
(...)

(...)
[-Eta gure eskualdean. Eslaba] Aurreko sarreran esan bezala aski nahasirik dago toki-izen hau, honekin batera aipatu Sortengortea eta Sortengoeuntzeta ere ageri direlako. Toponimoaren bigarren zatian gorte 'korrale' eta -eta izan genezake, baina Sortengoertea ere ediren dugu, eta jakina denez ertea Nafarroako eskualde zabal batean artea 'artekoa', 'erdikoa'-ren aldaera da. Zernahi gisaz, Sortengortea ere azaltzeak ustezko aniztasun balioa kentzen dio mintzagai dugun -eta-dun aldakiari.
(...)

(...)
Gehienetan dokumentatzen den Sortengortea eta Sortengorteta-ren aldaki itxuratxartua izan daiteke 1596an baizik aurkitu ez dugun hau. Guztiarekin, Sorten edo Sortengo deitu dermioko euntzeak edo euntze-tokia ere adieraz zitzakeen.
(...)

(...)
1587an Sorten gortea dugu, Satengortea-rekin batera, eta 1590ean Sortengoertea. Hauekin batera, Sortengorteta agertzen da 1605ean, Sortangorteta 1606an, eta Çortengorteta 1612an. Guzti hauetatik jatorrizko forma zein den jakitea ez da erraza; hasierako txistukariari dagokionez, badirudi zaharrena s- dela, eta 1612ko ç- s / z-ren arteko nahasketa ugariaren beste erakutsi bat besterik ez dela. Tarteko -go- hori zer den ere ez dago bat ere garbi: leku-genitiboaren morfema izan daiteke, ohizkoa denez ozen baten gibelean ahostundu egin dela, baina etimologia iluneko izen horren zati ere izan daiteke. Era berean, -go- gortea 'korrale' ezagunaren parte izan daiteke, baina 1590eko Sortengoertea-n oinarri harturik Sortengo dermioaren ertea edo artea (hots, ez goiena, ez barrena)-ren aitzinean gaudela pentsa ere daiteke. Zernahi gisaz, -gortea / -gorteta txandaketak izen honen azken elementuan gortea ikustera bultzatzen gaitu, ikusi denez Ø / -eta aldizkatzea erakusten duten leku-izenak ugariak direlako. Barranco de Sortengortea gaurko Barranco de Uxubidea izan zitekeen, Bidezarra edo Bidezarreta (Camino bajo de Lerga) gurutzatzen duena, edo Euntzeluzea alderdiko errekastoa. Pausua Bidezarreta-ren eta aipatu errekastoaren elkargunean egon zitekeen.
(...)

(...)
Ikus aurreko sarrera.
(...)

(...)
[-Eta gure eskualdean] Toponimo guzti hauen azterketatik honako ondorio hauek atera ditzakegu: [...] 9.-Aniztasuna / batekotasuna [...] Beste anitzetan, ordea, -eta (-keta, -kieta) atzizkiak, -aga-k usu bezala, toki huts-hutsa adierazten du, toponimoak izendatzen duen entitatea bat bakarra delarik. Hau segurua da -eta-dun eta gabeko toki-izenak agertzen zaizkigun kasuetan (kasu gehienetan, ez denetan. Cf. Uxueko Mantxiriturria / Mantxiriturrieta). Honelakoetan -eta atzizkiaren eginkizuna oinarria izen arrunta ez dela ezagutzera ematea litzateke: Aitzandia / Aitzandieta (Uxue); Ardantzebarrena / Ardantzebarreneta (Ageza); Astalorraldea / Astalorraldeta (Moriones); Bidezarra / Bidezarreta (Eslaba); Butzuandia / Butzuandieta (Leatxe); Errotaxarra / Errotaxarreta (Leatxe); Gesaliturri / Gesaliturrieta (Zare); La árrega (Murillo), Larrage (Uxue) / Larrageta (Murillo, Santakara, Uxue) [Ikus, halaz ere, Uxueko toponimia aztertzean Larrage sarreran dioguna]; Meazuko erreka / Meazukoerreketa (Galipentzu); Monda / Mondakieta (Lerga); Mugazuria / Mugazurieta (Uxue); Puio / Puieta (Zare); Saratsa / Saratseta (Zare); Sariozarra / Sariozarreta (Moriones); Sortengortea / Sortengorteta (Eslaba); Zazutxikia, Zazutxipia / Zazutxipieta, Zazutxikieta (Eslaba); Zerradogibela / Zerradogibeleta (Eslaba)... Beraz zera ondoriozta dezakegu, -eta-k usu askotan tokitasuna markatzen duela, eta hortaz, aniztasuna edo batzutasuna gabe, batekotasuna adierazten duela. Hau da, adibidez, Agezako Cruz de Gurutzeta-n daukaguna, gurutze bakarra zela garbi dakigunez gero.
(...)

(...)
Hasierako harrize- hori harritze 'hardia' izan daiteke, eta bukaerako -gorte 'korrale' adiera duen izena, baina toponimoa bere osotasunean hartua ez da gardena. Nolanahi ere, badirudi Sortengoeuntzeta, Sortengortea eta Sortengorteta (cortengorteta 1612an)-rekin zerikusia duela, alegia, izen bera izan daitekeela (ikus sarrera horiek).
(...)