(...)
[-Di, -doi, -dui/-tui/-du atzizkia. Eslaba] Behin bakarrik aurkitu dugu, 1706an [PRA-Kaseda, 13. k.]. Bukaera -doia da oraingoan (ikus Galipentzuko Zamakidoi sarrera, atal honetan bertan), eta ez Eslabako beste toponimoetan aurkitzen dugun -duia edo honen aldaera den -du (xehetasun gehiagotarako ikus herri honetako toponimia aztertzean honetaz dioguna). Atzizki hau landare-izenei edo "harri" (edo "lur")-en eremu semantikoko izenei eransten zaienez, kasu honetan "kapar"-en esanahia Azkueren hiztegian edireten dugun bigarrena dela uste dugu, 'zarza' alegia. Cf., gainera, Ihaurrietako Capardoya [PRA-Otsagabia, 5. k., 1693], Urraulbeitiko Arripodas herrian agertzen den Caparivar toponimoa [PRA-Irunberri, 4. k., 1712], edo hurbilago, Galipentzuko Kapalarraña eta Kaparreta.
(...)

(...)
Dokumentatzen dena Capardoya (1706) denez, *Txaparduia-ren aldaera baten aurrean ez ote gauden susma daiteke (*Zapardoia-ren aurrean, alegia. Eslaban Txaparra 'txaparduia' dugu), baina beste aldetik, Galipentzuko Kapalarraña eta Kaparreta-n aurkitzen dugun kapar belar-izen berbera izan genezake hemen [Urraulbeitiko Arripodas herrian Caparibar agertzen da (PRA-Irunberri, 39. k., 1710). Aezkoa-Hiriberrin Kaparduia [kàpardúya] dugu orain, Capardoya 1916ko katastroan (cf. Korostuia orain / Corostoya 1916ko katastroan), eta Abaurregainean Kaparrea [kàparréa]]. Atzizkiari dagokionez, Eslabako eta inguruko herrietako aldaera -dui da, eta -doi normalean -dui-ren aldaera berantiarra baizik ez da izaten, ez diakronikoki -dui-ren aitzinekoa den -doi (cf. Lezcaduya 1529an, Lezcadoy 1804ean) [Eslabako toponimoaren kasuan, dena dela, -idoia 'baltsa' ere izan dezakegu, baina ez dugu uste hala den. Ikus -idoia > -doia pausoaz eta atzizki multzokari honen banaketa geografikoaz DAON-en dioguna.].
(...)