(...)
Euskal Itzaurmakurra edo Itzaurmakurraldea izan daiteke.
(...)

(...)
Itzaur 'intxaurrondo' eta makurra 'okerra' ditugu hemen [Cf. Orba-Santsoaingo Artemakur (PRA-San Martin Unx, 87. k., 1830), Olatzagutiko Arizmakur, edo Urbasako Urkimakur.]. Pentsa daitekeenez toponimo honen aldakietan ez dugu sekulan -tz- aurkitu, -c-, -ç-edo -z baizik, eta beraz ezin dugu frogatu azken grafema hauen azpian soinu afrikatua zegoela. Gure ustez, hala guztiz, Itzaurmakurra ebakitzen zuten Eslabako euskaldunek (ikus Grafia kontuak atalean txistukariez esan dena). Mitxelenaren arabera [tz] soinua da zaharrena izen honetan [FHV, 285-286. orr. Izen honen aldaerek Nafarroan duten banaketaz ikus Echaideren EENEL, 100-101. orr.]: "Las variedades orientales muestran una predorsal en sul. intzáur 'nuez'..., ronc. etzagur, itzagur, sal. giltzagur (aezc. etxabur), b.-nav., lab. eltzaur. Las occidentales tienen en tiempos modernos intxaur, que es ambigua, pero la toponimia y los textos antiguos documentan (t)s: ynsaur 'nuez' en RS 226 y 344 (ynsaurpe 366), mer. unsaur (Oñate untxaur). Se trata acaso de un compuesto con (h)ur 'avellana' como último miembro. La apical ha podido nacer por asimilación...en el derivado in(t)sausti 'nogueral' cuyo primer miembro llevaría el suf.-tze, como sul. intzáurtze 'nogal'. La serie habrá sido: in(t)zaur-tze +-di >*in(t)zaur-s-ti > in(t)sausti". Eslabako euskara, beraz, ekialdeko euskalkiekin batera zihoan. Morionesen berriz Dorreco ichaurraldea dugu 1719an eta Dorreko ichaurrealdea 1730ean, eta sabaiaurreko afrikatua zeukala kontu egin daiteke, Eslabakoak ez bezala [Eloko Ichaustia izenak (PRA-Elo, 4. k., 1660) bertan Itxaur genuela erakusten du; Orbako Santsoain herrian Ichaurreta dokumentatzen da (PRA-San Martin, 87. k., 1830); Eguesibarren ere (J. Apecechea, IBCNJL, 77-93. orr.) Itxaur bide genuen, toponimoetako -ch- euskara batuko tx-tako hartu behar bada behintzat: Ychaurradenecoa, Ychaustia, Ychaurzabalecoa (Elkano), Ychaustia (Sagaseta), (PRA-Erriberri, 1. k., 1540). Antsoain, Itza, Galar, Oltza eta Zizur zendeetan ere itxaur da jaun eta jabe (Cf. J. Juríoren lanak), baina inoiz edo behin iltxaur, eltxaur ere aurkitzen dugu.] (ikus Morionesko Dorreko itxaurraldea sarrera), baina [tz] ere izan zezakeen.
(...)

(...)
Itzaurmakurra-ren ondoko eremua genuen hau.
(...)