(...)
Izen honen etimologiaz ikus -eta-ri eskaini atalean dioguna. Lehen aldiz 1720an aurkitu dugu, berandu beraz, eta ez da harritzeko itxuraldatuxea egotea. Hurrengo bi agerraldietan ere itxuragaiztotua azaltzen da, eta honek genitiboaren morfema singularra ala plurala den bereiztea galerazten digu. Dirudienez gaurregungo herri ondoko Korraleta [kòrraléta]-rekin identifikatu behar da Auntzenkorraleta. Aintzat hartu behar da ahuntz-korrale edo gaztelaniaz cabrería deitzen direnak herrien ondoan izaten direla (ikus, adibidez, Uxueko Cabrería sarrera) [Cf., gainera, Artaxonako Aunztegia herrian bertan edo ondoan, La Hostería bilakatua egun (J. Jurío, EETA, 375. or.). Ahuntzak oso ugariak izan dira gure herrietan, eta ulertzekoa da toponimian aztarna franko utzi izana. Adibide moduan Arruazuko Aunzsare 'ahuntz-sarioa', Arakil-Uharteko Auntzaldapa, Urbasako Aunzkorlak (< *auntz-korralak), Iturmendiko Auntzetxe ("borda para las cabras sobre Mauguia", Nicolás Arbizu, TI, 265. or.) eta Auntzetxalde, eta Tafallako erdarazko Las Cabriteras (J. Jurío, THET, 60. or.) aipa daitezke, besteak beste.].
(...)

(...)
[-Eta gure eskualdean. Leatxe] Ahuntz abere-izena, genitiboaren morfema (plurala?), korrale 'gortea', eta -eta ditugu leku-izen honetan.
(...)

(...)
[-Eta gure eskualdean. Leatxe] Garzia deitura, ginen ezezaguna, korrale 'gorte' eta -eta ditugu toponimo honetan. Elementu ezezagun horri dagokionez, badaiteke eskualde honetan arrunta den Gil deitura [Artaxonan ere azaltzen da, Jimeno Juríok ("«Zendeak» «gorteak» y otras realidades...") aipatzen dituen Gile gortea, Gille gortea edo Gilin gortea eta Gile Olibadia toponimoetan ikus daitekeenez] eta genitiboaren -en bukaera izatea. Honela izatekotan 'Garzia Gil izeneko norbaiten gortea edo gorteak' litzateke leku-izen honen esanahia.
(...)

(...)
[-Eta gure eskualdean. Leatxe] Korrale 'gorte' eta -eta ditugu Auntzenkorraleta edota Garziaginenkorraleta-ren kide (ondorengo) izan daitekeen honetan.
(...)

(...)
Ikus leku-izen honetaz -eta atzizkiari eskainitako atalean esan dena. Garziaginenkorraleta egungo Korraleta-ren aitzindaria izan daiteke, dokumentazioko Auntzenkorraleta bera agian.
(...)

(...)
Korral(e) 'gortea' izena eta -eta atzizkia ditugu hemen. Auntzenkorraleta aztertzean idaroki den moduan (ikus sarrera hau), badaiteke bi leku-izenok bat eta bera izatea, ahunztegiak herrien alboan egoten direnez gero. Korraleta [kòrraléta] herriaren ondo-ondoan dago, Aranzulo eta Camino de Balatua (Bidezarra)-ren artean.
(...)