(...)
[-Di, -doi, -dui/-tui/-du atzizkia. Eslaba] Honen osagaiak lezka eta -duia dira. J. M. Iribarrenen arabera [VN] Lezca 'anea; planta tifácea, cuyas hojas se emplean para hacer asientos de silla' da. Tuterarrak Gares, Malerreka, eta Baztangotzat jotzen du hitz hau, baina beste toki askotan ere ezaguna da, Oibar haranean [A. Reta Janárizek EHZE-n Eslaban eta Lergan ibiltzen dela dio] eta Uxuen, adibidez. Lezkaduia leku-izena, hortaz, Uxuen [Iruñean ere bada Soto de Lezkairu izeneko toponimo eta auzoa] aurkitzen dugun Lezkairu-ren baliokidea dateke, bai eta Uxuen, Galipentzun eta Agezan gutxienez agertzen den Lezkatzea-rena ere.
(...)

(...)
Ikus hurrengo sarrera.
(...)

(...)
Lezka landare-izena eta -duia-z osatua dago toponimian oso ezaguna den hau [Lezcaduia dugu Ezporogin, Lezcadia Artaxonan, Amatriainen (J. Jurío, THET, 130. or.), Sagasetan (PRA-Erriberri, 1. k., 1540), Muru-Azterainen (J. Jurío, TCPCC, 363. or.), Barbarinen (1895eko katastroa), eta Murginduetan (1894eko katastroa). Hauetaz gainera, lezka osagaia duten Lezkairu dugu Uxuen, eta Lezkatzea Ageza, Galipentzu eta Uxuen.]. XIX. mendean Lizcadoy eta Lezcadoy agertzen da, jatorrizkoa esan bezala -dui-dun aldaera bada ere (cf. Galipentzuko Zamakidoi eta Uxueko Ardui, Ardoi zenbaiten hizkeran). 1791n Lezcaduil aurkitzen dugu, -l-ren eransketaz, Lizardui > Lizarduil > Lizardil-en bezala. Egun El Lezcal esaten zaio, eta La Calera, Baluriaran, Errepidea, Xauzgun eta Galipentzuko mugaren artean dago. Toki urtsua da, eta hortik 1612ko Pradillo de Lezcaduya. Alderdi honetatik gorago Barranco de la Calera deitu erreka igarotzen da, Galipentzuko lurretan sartu aitzinean, eta esperatzekoa zenez Barranco del Lezcal izena hartzen du.
(...)