(...)
Gaurko El Chaparro-ren ordain erdalduna da (ikus sarrera hau). 1593ko Arangaizko txaparr(ondo)a-rekin identifikatu beharra dagoela dirudi, eta beraz gaurko El Chaparro eta dokumentazioko Txaparra behiala Arangaitz-en barrukotzat jotzen zela garbi samar dago.
(...)

(...)
Behialako Txaparra edo Arangaizko Txaparr(ondo)a euskaldunaren baliokidea da, eta honek bezala txapardi oso bat ematen du aditzera, ez txapar bakarra. Gauza bera gertatzen da Morionesko Txaparra, Txaparrarana, eta Txaparbazterra-rekin (ikus sarrera hauek) [Aezkoa-Hiriberrin oihan oso bat izendatzen duen Ezpelea dugu, eta honen beheko aldea den Ezpelbarreneta.]. El Chaparro (El Chaparral itxuraz ere azaltzen da behin edo beste azkeneko katastroan) Barranco de Elkea edo Barranco de la Virgen eta Barranco de Erbiñaga-ren artean dago, Erbiñaga, Xaugizabal eta Arangaitz-ko mugan (ikus azken toponimo hau).
(...)

(...)
Arangaitz toki-izena eta txaparrondoa dira honen bi osagaiak. Txaparrondoa 'txaparra' izan daiteke, alegia, txapar zuhaitz-izena gehi 'zuhaitz' adiera duen ondo morfema, baina badaiteke, orobat, -ondo hori 'alboa' esanahia duen posposizioa izatea, bereziki ondo lehen adiera horrekin gure eskualdean sekulan aurkitu ez dugulako (cf. Txaparra Eslaban, Txaparrarana, Txaparbazterra eta Txaparburua Morionesen). Horrela bada, Txaparrondoa Txaparra edo El Chaparro-ren alboko eremua dateke.
(...)