(...)
Boiu 'poiu', 'gain' eta artea 'bitartea' ditugu egun Boartea [boàrtéa] bilakatu den honetan. Dirudienez, Boiugain (Bongain orain) eta aurkitu ez dugun *Boiupe-ren arteko eremua ematen du aditzera. 1793an Boyartea dugu, eta 1801ean Boiortea. Artiedan [una pieza...en el termino de Poyu", Agoizko hipotekak, 3, 329. or., 1850. Honen ordaina den Pueyo ere azaltzen da, liburu bereko 332. orrialdean. Dermio hau Erdi Aroan bertan izan zen herrixka baten udalerriaren parte da. J. Gárriz honela mintzo zaigu Despoblados laneko 24. orrialdean: "Pueyo o San Gregorio, lindante con Artieda, fue repartido entre los próximos lugares de San Vicente, Grez y Artieda".] eta Undion [J. Jurío, TCPCC, 447. or. Poyu gaña edo Puyu gaña da azaltzen den toponimoa.] Poiu agertzen da, azken herri honetan Puiu-rekiko txandaketan. Puiu edo Puio, esan bezala, Orbako Pueyo herriaren euskal izena da, eta Zaren ere azaltzen da, Puio eta Puieta izenetan (latineko podiu-ren eratorrien inguruan ikus Galipentzuko Puyalato sarrera). Eslabako Boiu euskaraz jatorra den hasierako kontsonantearen ahostuntzea nozitu duen Artieda eta Undioko Poiu horien aldakia da. Boiuartea Camino de Gezari, Alto de Boiugain, Gezari eta Xubingoa-ren artean dago.
(...)