Kontsonantez bukatzen diren lekuzko kasuetan —hau da, -ko, -ra(t), -rantz, -raino eta -tik atzizkiekin, alegia— sortzen da zalantza.

Arauak bi moldeak zuzentzat jotzen ditu (Euskera 24, 1979-2, 655 or.), eta ez du ez hobespenik ez lehentasunik adierazten aldaera bataren ala bestearen alde.

Nolanahi ere, Euskaltzaindiak izen ofizialak erabakitzean ―bikoiztasunak ekiditeko asmoz―, -ko (ez -eko) bukaeraren aldeko hautua egin du praktikan kanpoko izenen kasuan: Asturiasko Printzerria, Madrilgo Erkidegoa (32. araua), Ekuadorko Errepublika, Hondurasko Errepublika, Laosko Errepublika (38. araua), Timorko itsasoa (169. araua)…

Galderako izenetan, beraz, honela hobeto: El Salvadorko eta Garestik.