Ahalezko laguntzaileaz baliatuz gertatzen den aditz-jokoan ez dago iraganerako forma bat besterik: ezin nintekeen joan nahiz ezin joan nintekeen. Horiek, jakina, ezin dute eman aspektu burutuaren ñabardurarik. Beraz, no pude ir / je n’ai pu aller bezalakoetatik urrun samar gertatzen dira.

Hala ere, badira zenbait perifrasi, beharbada hurbilagotik erantzuten ahal diotenak gaztelaniazkoari eta frantsesezkoari: ezin izan nintzen joan, ezin joan ahal izan nintzen... (ez *ezin izan nuen joan, laguntzailea joan aditzaren araberakoa hautatu behar baita); edo baita ere ez nuen joaterik izan.

Baina azken hori bezalakoak ezezkakoetatik kanpo ez dira gomendagarriak. Alegia, izan nuen joaterik baino hobe joan ahal izan nintzen; bestalde, bazeukan joatea eta horrelakoen ordez ere, hobe joan zitekeen esatea.