Jolas(-)tresna edo instalazio erabiltzea litzateke egokiena (edo jakinda zein den apurtutako tresna, hura zuzenean aipatzea: txirrista, zabua…).

Izan ere, [EH:jolas] hitzak ez du adiera fisikorik adierazten Euskaltzaindiaren Hiztegian, 'jarduera' da gehiago. Erreparatu bertako adibideei.

Bestalde, [EH:jostailu]ren definizioak ("Jostetan aritzeko gauza; bereziki, haurrak jostatzeko egiten den edo balio duen gauza") balioko balu ere, de facto oso markatua dago.

Nolanahi ere, esan bezala, hiztegiak berak erakusten du bidea: [EH:jolas parke]ren definizioan ‘instalazio’ hitza darabil, eta [EH:txirrista] definitzeko, jolas tresna.