572 resultats pour *:* [241 - 250]
Erdi Aroko izena. Etorkiz gentilizioa zen ('Gaskoniakoa'), Alaman, Frantzes eta beste bezala. Aldaera: Gaskoi.
Erdi Aroan aurkitzen dugu euskal izen hau Lesakan (Nafarroa) 1366an, Gastea d'Alçayaga eta Bilbon 1464an, Gastea d'Espaster. Itxuraz Gartzearen aldaera da eta gazte euskal izenondo ezagunarekin loturik dago. Gasteiz toponimoaren oinarrian dagoela dirudi.
Erdi Aroko izena; lehendabizikoz Leiren aurkitzen dugu 1124an. 1417an Balmasedako (Bizkaia) Gaston Aiala agertzen da banderizoen borroketan.
Mitologiako pertsonaia. Gauez argi itxuran agertzen den izakia izendatzen du. Leku batzuetan Inguma-tik babesteko eskatzen zaio: Hi, aldiz, jin hakitala Gauargia.
Gauez etxeetatik kanpo bizi den izaki mitologikoa, gauaren beraren irudikapena dena. Honek gauez etxetik landa egiten den lana zigortzen du, eta bereziki harrokeriagatik edo apustu egiteagatik etxetik irteten direnak. Ataunen (Gipuzkoa) behin neska talde bat goruetan ari omen zen, eta haietako batek urrutiko iturri batetik ura ekarriko zuela esan omen zuen. Etxetik atera omen zen, baina bidean galdu eta ez omen zen berriro agertu. Haizearen txistuarekin batean, hala ere, hauxe aditu omen zuten etxean gelditu zirenek: Gaua gauekoarentzat eta eguna egunezkoarentzat.
Jenaro (es), Janvier (fr)
Ikus Jenaro.
Erdi Aroko euskal izena. Iruñerrian Guendule Sanz ageri da 1002. urtean. Nafarroako herri baten baino gehiagoren izena den Gendulain toponimoaren oinarrian dago. Erdarazko baliokidea Centol dela dirudi. Azken hau ageri da Lizarran (Nafarroa) 1366an, Pascoal Çentol, eta Seguran (Gipuzkoa) 1453an Çentol Peres de Oria. Aldaera: Gindul.
Deun-ixendegi euzkotarra (Arana eta Eleizalde, 1910) lanean gaztelaniazko Gencianoren baliokidetzat ematen da. Izen hau latineko Gentianus-etik atera da, eta hau Gentius-etik. Santuaren eguna abenduaren 11n da.
Graciano (es), Gratien (fr)
Ikus Grazian.
Gervasio (es), Gervais (fr)
Deun-ixendegi euzkotarra (Arana eta Eleizalde, 1910) lanean gaztelaniazko Gervasioren baliokidetzat ematen da. Germaniar jatorriko izena da, etimologia ilunekoa. San Gerbasio martiria III. mendean bizi izan zen Erroman, anaia Anbrosiorekin batean. Santuaren eguna ekainaren 19an da. Ikus Eusebi.
Le présent corpus onomastique comprend des contenus d’œuvres de tiers, choisis pour leur prestige et leur compétence en la matière. Euskaltzaindia a requis les autorisations et permis correspondants et les droits de propriété intellectuelle nécessaires ont été obtenus, sauf erreur ou omission. Quiconque noterait tout contenu pouvant transgresser les droits d’un tiers est prié d’en informer immédiatement Euskaltzaindia, en écrivant à l’adresse suivante (info@euskaltzaindia.eus), afin que l’Académie puisse aussitôt prendre les mesures nécessaires.