Leku-izenak

(...)
E que limpie cada uno su afrontacion quando menester fiziere; e que sea mugado de partes del vinedo de Carcastiello porque non se pueda estreyner este dicho rio ata la dicha vina de la sagristania, que non pueda ninguno de Carcastiello, ni otro por ellos, estreyner lo mas que agora es cada uno en su afrontacion, e del somo de la dicha vinna pasando entre el vinedo que es de Carcastiello e la dicha vina de la sagristania ata el somo de la dicha vinna de la sagristania, que esta cerca Carcastiello, e de alli ata la agua de Aragon drecho; e de alli como corre la agoa d'Aragon ata el molinaço de Melida, e de alli pasando dreito por la falda insana del Sasso de la Cabreria, que es de parte de Valdesordenada, ata el camino que viene de Tudela a Carcastiello, segunt que este encerramiento es dicho con la vinna de la enfermeria de los seglares en semble, que finque por todos tiempos por vedado de Santa Maria de Oliva e ningunt vezino ni morador de Carcastiello que cortare arbos de su pie dentro de este vedado, que peche por cada pie diez sueldos de sanchetes al dicho abbat o quien por tiempo sera
(...)