Leku-izenak

(...)
Txakurzulo (desagertua) // Auzoa: Udondo eta Erandio (Udala) // Lehenengo 1825ean dokumentatutako etxe hau Erandioko lurretan bazegoen ere, mugakoa zen eta Udondo auzoarekin lotura handikoa. Inguru horretan Udondo errekak eragindako ibar edo landei Txakurzuloko begak edo ibarrak deitzen zaie. Eta Udondo errekaren gainetik Erandio eta Leioa batzen dituen bideari ere Txakurzulo deitzen zaio. // Txakurzuloa orma edo ate batean dagoen edozein zulo txiki izan daiteke. Oro har, etxe biren arteko tarteari ere esaten zaio. Horretaz gain, olagizonek euren oletako hormetan egindako zuloak ziren, bertatik burdina ijeztua zabaltzen zuten. // Txakurzulo etxearen parean, Udondo errekan, portutxo bat zegoen garai batean; Txakurzuloko portua hain zuzen. Bertan itsasontziek babesleku ona topatzen zuten, itsasadarrean ez baitzegoen kairik garai hartan. Han inguruan marinelen etxea ere bazegoen Errikoetxe izenaz ezaguna
(...)