Leku-izenak

(...)
Basarte // Izen osoa: Basarte etorbidea / Avenida Basarte // Avanzada errepidearen gaineko kale nagusia da, Iparragirre etorbidea amaitzen den gunetik Artatzako biribilgune nagusiraino. // 2011ko martxora arte Txikia etorbidea izena zuen, baina epailearen aginduz aldatu behar izan zuen udalak, eta Basarte izena eman zion baso edo parke biren artean dagoelako. // Diktadura garaian Maestro Icaza izena zuen kale honek eta demokrazia heltzean Txikia izena eman zion udalak. Eustakio Mendizabal “Txikia” 1973ko apirilaren hemeretzian, diktadura garaian, hil zuen poliziak Algortan ETAko kidea zelakoan. Gertaera honek eragin handia izan zuen orduko euskal gizartean eta Telesforo Monzonek geroago kantu ezaguna izango zen olerkia eskaini zion. // Txikia zuen guda-izena / bera gizon osoa izan arren / Mendizabal, Sasetaren urrena / biak txiki, bizkor eta lerden / Saseta hil zen gudarien aurrean / Mendizabal hil zaigu bakarrik / bainan biek daukate Herri osoa / atzo ta gaur heien atzetik / Euskadirentzat hil dire-ta / gorputzak arantzaz beterik
(...)

(...)
Txikia (Ikus Basarte)
(...)