Leku-izenak

(...)
Kalea / Calle: ED50 30T X.500058 e Y.4771302, alt. 180 m. // Nerbioi ibaiaren eskuinaldean dagoen kale bakarra da Luiaondon. Ibaiaren eta trenbidearen artean dago, haien norabide berbera jarraituz, harik eta Zubibarri izeneko zubia gainditzen duen arte. Kalearen hasieran Bilbo-Miranda trenbidearen geralekua dago. Mendiko bide batean gora iparralderantz, gure eskuinera dagoen aurkintza garai batean, Aio baserriaren aztarnak bereiz daitezke oraindik ere. Baserri hori Madozek (1845-1850) eta Becerro de Bengoak (1877) aipatu zuten eta zutik egon da duela gutxira arte. // Izen konposatu honen osagai biak argiak dira: ola eta oste, eta ‘burdinolaren atzean’ esan nahi du, beraz. Zalantzarik gabe, garai batean inguru hauetan zegoen ola nagusiari egiten dio izenak erreferentzia. Herriaren hegoaldeko muturrean zegoen ola hori eta bere azken garaietan irin-lantegi bihurtuta iraun zuen. XIX. mendetik aurrera bertan behera geldituko zen ola gisa, 1813ko errolda batean haren ekoizpena aipatzen delako, baina mende erdirako jadanik ez omen zebilen, halaxe baitio Pascual Madozek (1845-1850). Hala ere, ola horri Padura esaten zitzaion eta gaur egun inguruko auzo batek hartu du izen hori
(...)