Leku-izenak

(...)
Eta etxeak izenak dituzte, izen gaŕbiak, txukunak, egokiak, euskera galdu dan eŕietan ere. Ona batzuek: [...] Amirola, Aretxa, Etxeandia, Mendieta, Uriondo, Irabien, Maldai... Ayala'n
(...)

(...)
Antzinako etxea / Antigua casa: ED50 30T X.498025, Y.4770375, alt. 265 m. // Kontzeju honetako etxea zen, baina bere jabegoko lurrekin batera Murgako lurraldean zegoen, 27,92 Ha-ko esparru edo barrendegia osatzen zuena. Magdalena errekaren ekialdera dagoen goi-lautada xume batean zegoen eta bertara heltzeko basabidea dago Murgako San Martin auzotik, iparraldera egiten duena eta gaur egun toki horretan dagoen pinudietan barna doana. Jendea bizi izan zen etxe horretan XX. mendeko 60ko hamarkadara arte, baina gaur egun ez dago antzinako kokapen haren inolako arrastorik. // Izenaren ahoskera Amírola da. Haren jatorri argirik ez dakigu, baina bigarren osagaia ola dela dirudi ‘burdinola’, ‘etxola’ edo ‘kortabasoa’. Beste kontzeju batean dagoen barrutia denez gero, esanahirik egokiena ‘kortabasoa’ litzatekeela dirudi, hau da, ‘herri basoan dagoen abere nagusien bazkarako larre itxia’. Eman diren ‘zelaiguneko garoen burdinola’ [3 Barrenengoa, 1990] bezalako beste etimologia batzuk ezin dira gaur egun aintzat hartu
(...)