Leku-izenak

(...)
Gaurregungo Balsarraña [bàlsarráña] Balsalarraña da 1634ean, eta lehenagoko eta geroagoko agerraldi guztietan -larraña dugu, 1748 arte. Urte honetan Rincon de Balsarraña aurkitu dugu, eta beraz gaurregungo aldaera laburtua aspaldixkoa dela esan daiteke. Bigarren osagaia garbia da, baina lehendabizikoaz ezin esan daiteke gauza bera. Izan ere, 1634eko, XVIII. mendeko, eta egungo eguneko Balsa- horrek toponimo hibrido ugarietako baten aitzinean gaudela idaroki arren, 1598ko Bazalaraña eta XVII. mendeko lekuko gehienak Baza-ren alde mintzo dira, elementu hau zer izan daitekeen ez dakigunagatik. XVIII. menderako XVII.ean seguraski herri etimologiaz sorturikako Balsa-dun aldaera nagusitu zen, eta horixe da guregana iritsi dena. Balsalarraña Aldabea de Aitzandieta-n baina Basandia-ko mugatik hurbil dagoenez gero, bi izenon hasierako elementua bat eta bera dela pentsa daiteke, baina hala ere ez dirudi hau honela denik, Basandia-ren kasuan -z- grafema ez baita sekulan azaltzen, eta Balsalarraña-renean ez baitugu -s- hutsa duen aldaerarik aurkitu (basa-, alegia). Gaurregun Rincón de Balsarraña ibiltzen da komunzki, ez dokumentazioko Bazalarraña edo Balsalarraña hutsa. Zokoa, esan gisan, Aldabea de Aitzandieta-n dago, Camino de la Fuente eta Camino del Puente de la Sierra-ren artean, gainean Santa Fe, azpian Arteko haitz, eta hegoaldean Basandia duela. Caracierzo de Balsalarraña azken dermio honetako mugako oihezkia da.
(...)