Leku-izenak

(...)
[-As/-az, -es/-ez, -iz, -os/-oz, -us/-uz gure alderdian. Eslaba] Zangoza hiri-izena eta bidea ditugu toponimo garden honetan (ikus Eslabako toponimia aztertzean dioguna). Lehenaren etimologiari dagokionez, Rohlfsek ["Sur une couche...", 221. eta 246. orr.] Sanga antroponimoaz eta -ossu, (-osse, -ossi) atzizkiaren femeninoa den -ossa-z osaturik dagoela uste du.
(...)

(...)
Zangozabidea edo Camino de Gezari zen. Izenondoak beheragotik zihoan Errepidea-tik bereizten zuen.
(...)

(...)
Zangozabidea edo Errepidea la alta-ren Gezari-ko zatia da hau (ikus Camino de Sangüesa sarrera).
(...)

(...)
Dokumentazioko Zangozabidea edo Errepidea la alta da egungo hau. Herri ondoan Camino de Sangüesa esaten zaio, eta aurrerago Camino del Puente viejo, Camino de Xauzgun eta Camino de Gezari izenak hartzen ditu. Gurutzea herriko irteeran zegoen. Oraingo La Cruz toponimoa horri zor zaio. Debajo del Camino de Sangüesa, esan beharrik ez dago, aztertzen ari garen bidearen azpiko aldea zen, eta seguru asko dokumentatzerik izan ez dugun *Zangozabidepea baten erdaratzearen fruitu zen (cf. Bidapea). Herri ondoan zegoela dirudi.
(...)

(...)
Herriaren ondoan Camino de Sangüesa eta Agezako muga aldean Camino de Gezari deritza.
(...)

(...)
Izen bereko dermiotik doan bidea dugu hau, alegia, Camino de Sangüesa edo Camino de Xubingoa.
(...)

(...)
Zangoza hiri-izena eta bidea izen arrunta ditugu hemen. Gure eskualdeko dokumentazioan hiri-izenaren bukaera (-oza alegia) inoiz edo behin ç-z idatzirik aurkitzen dugu (ikus beherago), baina honetaz landa ez dugu afrikatuz ebakitzen zela pentsatzeko inolako arrazoirik, eta egungo egunean igurzkariz ematen da Zaraitzu eta Aezkoan. Etimologiari dagokionez, ikus -as / -az, -es / -ez...atzizkiei eskaini atalean dioguna. Zangozabidea Camino de Sangüesa-ren baliokide euskalduna zela dudarik ez da [Zangozabidea Oibar haranean ezezik, Orba ibarreko Uzkitan ere aurkitu dugu. Hemen herri honetakoak Leoztik Getadarra eta hemendik Loia, Moriones eta Zaren barrena, edo Arteta eta Eslaban zehar, Zangozara zihoan bidea adierazten zuen: "otra (pieza)...en el termino de Zangozavidea, que afronta con barranco y camino de Leoz para Guetadar" (PRA-Oibar, 100. k., 1823).].
(...)