(...)
El Señor portiluaren ondoan gortea duen Uxueko familia baten izengoitia da. Antzina Portillo de San Vicente deitzen zitzaion (ikus San Vicente sarrera). Altxonbidean dago, errota zaharreko bidean, Mugazuria, Cuartochiguito, eta Carasolalto (Txorria)-ren arteko mugan.
(...)

(...)
Egun ezezaguna den dermio hau Camino del Molino-ren ondoan zegoen, hau da, Aragoako errotara doan bidean, 1792rako eraiki zen errota berria igaro eta, baina honetatik hurbil, goraxeago. San Vicente oraingo Carasolalto-n zegoen, Mugazuria eta Cuartochiguito-ko mugan. Alto de San Vicente Portillo de San Vicente (gaurregungo Portillo del Señor) dagoen gaina zen; Carasol de San Vicente Carasolalto-ren zati bat zen. Ez dakigu ermitarik ba ote zen, baina hemendik hurbil Villantigua despoblatua egotea aintzat hartzeko dela uste dugu.
(...)

(...)
Asto-ren elkarketako aldaera ohi den asta- eta bidea ditugu hemen. 1840an Esta bidea azaltzen da, alegia, Aristuziaga > Astuziaga > Estuziaga toki-izenean edo astigarra > estigarrón izen arruntean agertzen den a- > e- aldakuntza [José María Satrústeguik ere aldaketa hau jasan duen toponimoa bildu du Urbasan (Planteamiento general de la etnografía de Urbasa, 59-60. orr.). La inestimable ayuda del animal de carga, como es el burro, exige otra concepción del camino con veredas más espaciosas que los usuarios llaman Astobide, Astabide. Eztiturriko estabidia. Al desaparecer los burros ya no tiene sentido la palabra que empieza a ser sustituída por lasterbide, atajo] jasandako aldakia, eta 1892ko katastroan forma horixe aurkitzen dugu. Bide hau Carasol de Villantigua-tik Mugazuria eta Aristuziaga-n barrena Uxueren Aragoa ertzeko errotara zihoana izan daiteke, garia eta bestelako laboreak errotara ehotzera eramateko astoak erabiltzen baitziren maiz. Guztiarekin ere, ez dago zeharo garbi errotarako bidea eta Astabidea bera ote ziren. 1782ko lekukoa identifikatzearen kontra mintzo da. Portillo de Astabidea egungo Portillo del Señor [El Señor uxuetar baten izengoitia da] izan daiteke, alegia, Corral del Señor-etik hurbil Galipentzuko bidean dagoen atea, Carasolalto, Cuartochiguito eta Mugazuria-ren arteko mugakoa.
(...)