(...)
Auzoa / Barrio: ED50 30T X.493064, Y.4766907, alt. 415 m. // Kontzejuko auzoburuari eutsitako auzoa da, zehazki Izoriatik Salmantonera etorriz gero, A-4614 errepidearen eskuinean aurkitzen dugun lehenengoa, plazara eta parrokiara iritsi aurretik. // Auzo honi gaur egun Txabe edo Txabes esaten zaio, baita Barrio Abajo herrikoi eta generikoagoa ere [7 Ikus, halaber, Salmantón izenaren iruzkinean, Mugaburu eta Santa Marina auzoez esandakoa, hurrenez hurren Barrio Medio eta Barrio Arriba bezala ezagutzen direnak]. Jadanik ikusi dugu Becerro de Bengoa 1877an, hasierako bokalaren galeraren lekukoa izan zela, baina argi dago euskal izen konposatua dela eta lehenengo osagaia etxe dela, izen hori konposatuetan etxa- bihurtu ohi dela gauza jakina delako. Bigarren osagaia, berriz, -be dugu ‘beheko aldea’. Hortaz, ‘azpiko edo beheko etxea’ genuke esanahia, eta etimo egokia dirudi parrokiarekiko kokapenari erreparatuz gero
(...)