(...)
Dok.: Ikus Mokorreko borda (2). // Ebakera: Añórbe. // Kokalekua: Orizki auzoan. Etxe hurbilena, eskuinaldean, Etxeberrigaraiko borda da. // Etimologia azalpena: Etxea dagoen eremuaren izena bide da Añorbe. Ez dakigu toponimo honen historiaren berri, baina itxuraz behintzat Itzarbeibarko Añorbe herriaren izena bera da. Azken honi dagokionez, pentsa daiteke oinarrian identifikatu gabeko Añor- dagoela eta bukaera leku izenetan hainbertzetan kausitzen dugun -be ‘azpia’ (‘behea’ eskuarki, ‘lurra’ inoiz; cf. Altube). Bertze posibilitate bat toponimoa bertzela zatitzea da eta bigarren osagaia -orbe dela kontu egitea, eta beharbada Orba, Orbaiz, Orbara, Orbaizeta-rekin loturik dagoela. Cf., gainera, Orbe, Orbea, Orbegozo deiturak; hemen, Mitxelenaren arabera (AV, 504), ongi ulertu badugu, oru, orube-ren elkarketako or- aldaera ikus daiteke.
(...)