(...)
Ez da ageri NTM-n, eta Arañazko mapan uncea dago jasorik. ‘Huntze’ landare igokaria izan ziteken adierazitakoa, baina ez dugu uste horrela denik, herriko hizkeran berez –a bokalaz bukaturiko hitza baikenuke hauxe, ondoren asimilaturik bada ere, eta ez da –e-z bukaturikoak bezala disimilatzen mugatzailea eransterakoan: untze + -a > untze, aitte + -a > aitte, zume + -a > zume, ... eta ez *untzie, *aittie, *zumie. Gainera, mapako burutzapenak ere –e-z bukaturiko lexema baten aurrean gaudela erakusten du, toponimo eratorriak bezala. Honetan, berriro, bere bigarren osagaian, ai > ei diptongo itxiera dugu.
(...)