(...)
086-29 028
(...)

(...)
Calle Arriba. Luyando (Ayala)
(...)

(...)
086-29 028
(...)

(...)
Auzoa / Barrio: ED50 30T X.500110, Y.4771854, alt. 180 m. // Kallebarrenari kontrajarririk, Kallegoiena da herriko eremurik altuena eta hegoaldekoena. Historikoki Amurrio aldeko sarreran hasi eta Torre izeneko tartean dagoen dorreraino helduko zen. Gaur egungo San Domingo, Restergo eta San Lorentzo izeneko kaleak har litzake, beraz. Auzoaren erdian Zubibarri kalearekin elkartzen da. // Gutxienez 1798ra arteko agiri historikoetan, Callegoyena izena ageri da [9 Mugurutza, 2001, hitzaldia. Arana-Murillo familiaren dokumentazioa (1798): «cuenta de lo que se ba baluando o tasando la casa que vive Eguiluz en Callegoyena de Luyando, por mí Manuel de Esnarriaga perito nombrado»]. Gogoan izan behar da kale hitza, maiz gaztelaniatik hurbilago dagoen kalle forman, bizkaieraren eremuan ‘auzo’ren sinonimo gisa erabili dela eta oraindik ere bizirik dagoela Elgoibarren hasi eta Ugaoraino. Ikus honi buruz Kallebarrena sarreran egindako iruzkinak. Kallegoiena, beraz, ‘goiko auzoa’ litzateke argi eta garbi, aurkakoa adierazten duen Kallebarrena delakoari kontrajarrita, agirietan Callebarrena grafian agertu ohi dena gutxienez 1842ra arte, eta ‘beheko auzoa’ izango litzatekeena. Izen bereko auzoak dokumentatzen ditugu Bermeon, Ordizian, Ziordian [10 Bermeo: «el vergel que es mio y esta en Gojencale de esta villa» (1566, Allika & Uriarte, 2007, 322. or.). Ordizia: «en esta villa de Villafranca la una en la calle llamada Eleyzcale y la otra en la que llaman Goyencale» (1578, Etxaniz & Zaldua, 2010, s. v. Goenkale): Ziordia: «una casa sita en el barrio de Goyencalea, llamada de Mozonecoa» (1803, Carasatorre, 2013, s. v. Ziordia)]..., eta Zuberoako Santa Grazi herriko auzo nagusia, berriz, Kalla deitu ohi da
(...)