(...)
Izen hau ez dugu sekulan dokumentazioan aurkitu, baina, hala ere ez dago bere euskal etorkiaz duda egiterik. Etimologiari dagokionez, ikus -eta atzizkiari eskaini atalean dioguna. Makarreta Aguilar mendiko aldapen azpiko aldean dago, Aguilar bajo-n, Santa Fe eta, Akirazabal-etik hurbil, eta oso eremu txikia da. Bere kokalekua ikusita, malkor 'erroitz', 'amildegi'-rekin lotu behar dela pentsa daiteke, baina ez dugu ahaztu behar aurreko honekin batzuetan nahasten den malkar 'lur meharra', 'lur antzua'-rekin ere zerikusirik izan lezakeela [Jimeno Juríok Maskar aurkitu du Eritzebeitin (TCPCI, 162. or), Mascarres zendea bereko Saratsa herrian (340. or), eta aurreko toponimo honen baliokide osotara euskalduna den Maskarreta Artitza despoblatuan (132. or.). Uxuek ia mugakide duen Orbako Oletan Maskarra dugu 1646an (PRA-Oibar, 25. k.). Honelakoak lur harrizuak izaten dira, oker ez bagaude.]. Makarreta-ko idoia berria da; Diputazioak egin zuen orain urte batzuk, aziendentzako ura biltzearren.
(...)