Euskaltzaindiaren arauak era sinplifikatuan

7. araua. Zenbakien idazkeraz

Gramatika-atalak: Idazkera morfologia

Arau honetan zenbakien idazkeraz tratatzen da. Puntu nagusi batzuk aipatzen dira ondoko taulan.

Zenbakiak	Zenbakiak letratan	Oharrak
0	zero, huts	Bi formak erabiltzen dira.
1	bat
2	bi	Iparraldean, biga forma ere bada, baina izenordain gisa bakarrik. Zonbat haur eri dira? Biga (edo Bi haur).
5	bost	Iparraldeko euskalki batzuetan, bortz erabiltzen da: bortz egun, hamabortz urte.
18	hemezortzi	hamazortzi forma ere onartua da.
20	hogei	Euskaltzaindiak gomendatzen du hogoi ez idaztea.
21	hogeita bat	Hogei, eta juntagailuari lotua delarik, hogeita bilakatzen da.
60	hiruretan hogei	hiruretan hogei edo hirurogei: bi formak onartuak dira.
80	lauretan hogei	lauretan hogei edo laurogei: bi formak onartuak dira.
300	hirurehun	Tarteko -r- hori hirur zenbakiaren aldaera zaharraren arrastoa da.
400	laurehun	Tarteko -r- laur zenbakien aldaera zaharraren arrastoa da.
1200	mila eta berrehun	Mila zenbakitik gora, eta juntagailua ematen da milakoen eta ehunekoen artean.
1202	mila berrehun eta bi	Unitateak badirelarik, eta juntagailua ematen da azken zenbakiaren aitzinean.

Zenbaki hauek kardinalak deitzen dira; multzo bateko elementuen kopurua adierazten dute.
Ehunekoak idazteko, lehenik % zeinua idazten da eta ondotik zifra hutsune batekin: % 10
Zenbaki handietan, lau zifra eta gehiagokoetan, puntuak erabiltzen dira: 2.700.000

zero, huts, bost edo bortz, hemezortzi edo hamazortzi, hogei, hiruretan hogei, lauretan hogei, mila eta berrehun

*hiruehun, *lauehun, *hogoi (nahiz Iparraldeko usaietan den), *hiruretan hogoi, *lauretan hogoi, *mila berrehun, *%10, *10% edo *10 %

7. arau osoa ikusi

1403. fitxa, 467. fitxa