(...)
e apres l'auandiite Glizie ahos pres em peinhs d'en Arnaut, seiner de la maizon d'Ordozon de susdijte, pre D s. de Morlans, ab autrei e ab voluntad de mosseiner en Nauar de Miu Sents, abesque d'Ax, e d'en W. A. de Baded, Rector en aqued temps de la Glizie de Sent Vincent de Tarnos, la maitad de las III parts de la dezmarie de XI fugs que medijhs n'Arnaut aue per maitaz ab n'Andriu de Marssag, ciptadan de Baione, que ag aue per na Narbone de Meis, sa moiller, qui ere de la lar d'Ordozon en la parropie de Sent Vincent de Tarnos, e tote l'arredezme d'aquez XI fugs de sus mentahuz, e de las autres dezmes d'Ordozon, e de Tarnos, e de Garros, e d'Ahijte, e d'Arromaded, e tot so qu'ed aue, ne deue auer de dezme ne d'arredezme de l'ester dou molin d'Esbor entro ponteils [...] e la dezmarie de II fugs dous XI fugs sobredijts a Sent Vincent, e l'affar d'en Johan de Praded, e autres dezmaries eu tiein d'Estiei e d'Arazon, aho atau cosseil l'auandijte Glizie de Baione que sobercompran paz, e crecon au desusdijt n'Arnau d'Ordozon, DCC s. de Morlans, sober totes las desus mentahudes dezmes, e arredezmes que ma maizon d'Ordozon deu auer en la parropie de Sent Vincent de Tarnos [...] e sober la maitad de la dezme queus forssaue dous II fugs de Sent Vincent de Tarnos, so es assaber: de Lanes e de Gassihort, e sobere la dezmarie de La Boeirie d'en Johan de Praded, e en so d'Arazon que are no possedijhs, que poira conquerir sober lo Vescomte de Maredme
(...)
What: Eliza, herria
Situation: Landak
Origin:
BID.LBTLG