iragazki
1 iz. Gai porotsua, bertatik igaroaraziz isurkariei eta gasei lohitasunak edo partikula solidoak kentzeko erabiltzen dena; bereziki, ehunezko, paperezko, zeramikazko edo metalezko hondoa duen bahe modukoa, isurkariei lohitasunak kentzeko erabiltzen dena. Ik. irazki1. Esnea iragazkitik igaroarazi. Kafe iragazkia (Ik. txano 3). Akuarioaren iragazkia. Zentraleko urak biltzen dituzten estoldak zuzenean doaz itsasora, inolako iragazkirik gabe. Aire girotuaren iragazkia. Iragazkiak jarriko dira hondakin kutsatzaileak isurtzen dituzten tximinietan. Zigarretaren iragazkia. 2 iz. Maiztasun jakin batzuetako uhinak edo seinaleak igarotzea eragozten duen gailua, pieza edo gaia. Anplifikadoreak indartu egiten ditu mikrofonoaren bidez iritsi diren hotsak; iragazki batzuei esker, erabiltzaileentzat garrantzitsuak diren hotsak soilik indartzen ditu. Kristala iluna bada, baina iragazkirik gabea, zabaldu egiten da begi ninia eta erradiazio kaltegarri gehiago sartzen. UVA eta UVB izpien aurkako babesak iragazki fisikoak eduki behar ditu, eta ez kimikoak; gainera, uretan ibiltzeko balio behar du.
3 iz. Informatikan, mota jakin bateko informazioa hautatzen edo baztertzen duen programa. Web orri bat ez badu segurutzat jotzen, nabigatzaileak automatikoki jakinarazten du (iragazkia aktibatuta eduki behar da horretarako). Alertak izeneko iragazkiak hitz horiek dituzten albisteak bistaratzen ditu, edozein dela ere testuingurua.
4 iz. Irudi digitalak manipulatzeko tresna. Facebook iragazkiak prestatzen ari da sakelako telefonoko aplikazioan sartuko diren argazkientzat, Instagramen estiloan.
5 iz. (Hautaketa eta bereizketa adierazten duten zenbait testuingurutan). Proposamen horiek guztiek ez dute Arabako administrazio nagusiaren iragazkia pasatu. Gehiegizko informazioa izateak, inolako bereizketa edo iragazkirik gabe, desinformazioa sortzen du.