igorri, igor, igortzen
1 du ad. Bidali. Zelatariak igorri zituen etsaien hirira. Espiritu Santua igorriko dizuet. Senarra biga bat erostera igorri zuen. Donibane Lohizunera igorri zuten bikario. Urkamendira igorri. Igor ezazu zure txostena gure helbidera. Postaz igorri. Nire Aitak igorri nau zerutik mundura. Mutila etxetik igorri du, zerbait ebatsi diolako. Frantziako lurretatik urrun igorri nahi zituen serora guztiak. Harrika igorri dute.
2 du ad. Zerbaitek, energia, uhinak, bulkadak eta kidekoak sortu, kanporatu eta hedatu. LFAS sonarrek 220 eta 240 dezibel inguruko uhinak igortzen dituzte. Eguzkiak mikrouhinak igortzen ditu intentsitate txikian. Masa transmititu gabe ere energia igor daiteke. Horren ondorioz aurkitu zuen metalek elektroiak igortzen dituztela erradiazio elektromagnetikoak erasotzen dienean.
3 du ad. Gasez eta kidekoez mintzatuz, airera bidali. Bainuaren ordez dutxa hartzeak urtean 531 kg CO2 igortzea aurrezten du.
4 du ad. Uhin elektromagnetikoen bidez soinua edo irudia bidali. 102 MHz-eko maiztasunean igortzen duen irratia. Iragan ostegunean hainbat irratitatik igorritako irratsaio berezia.
5 du ad. Ipar. Eralgi, xahutu. Sos guztiak igorri.