Euskaltzaindiak batasunerako arautu du [EH:operatu] aditza du sailekoa dela. Beraz, gaixoa operatu dute da egitura zuzena.

Ebakuntzako gorputz-atala aipatzeko, -(e)tik atzizkia erabiltzen da (ablatiboa): Boxeolaria izan nahi badu, operatu egin beharra zeukak sudurretik (B. Atxaga). Gernu debekutik operatu dute / Eria bihotzetik operatu (Ibon Sarasola). Urdailetikan egin zizuten sekulako ebakuntza (Uztapide).

Beraz, zuzena da bihotzetik operatu dute esaldia.

Galderan aipatzen den hankan operatu dute bezalakorik ez da ageri literatura-tradizioan. Inesiboa (non kasua) erabiltzekotan, aditz-lokuziora jo beharko litzateke: hankan egin diote ebakuntza, hankan egin diote operazioa.

Beste egitura hau ere aukeran dugu: hanka operatu diote. Adibidez: Begirik txarrena operatu zioten (X. Olarra).