Euskaltzaindiaren Hiztegia

Aztergaia: eguzki

Iturria:

Formari buruzko datuak

Erabilerak

Bestelakoak

Lantaldearen irizpideak

Informazio osagarria

Formari buruzko oharrak

Iritzi-emaileak

 - [E402]: [falta da] (1993-03-08)

Euskaltzainen oharrak

 - [E123]: "Argitaratutako Hiztegi Batuan ondo dator, baina zerrenda honetan eguzkitan (egon) azpisarrera da, batetik, eguzki izenaren azpian, eta sarrera pitin bat beheraxeago. Bigarren hau kendu egin behar da".

 - [E208]: "Eguzki-lore: Euskaraz zenbait hitz ditugu ( eguzki-belar, eguzki-lore, eguzki-lili, ekilore ...) eguzkiaren itxurako loreei esateko. Kontua da, ordea, hitz ugari horiekin ez dugula oraindik erabaki nola bereizi erdarazko 'girasol' eta 'kardu nagusia' hitz horiek guztiok nahas-mahas dabiltzala. Kontu honek garrantzia dauka, landare erabat ezberdinak baitira biak, bata gure mendietako kardu famatuena eta bestea, aldiz, olioa eta ateratzeko soro-landare ezaguna delako".

 - [E208]: "Eguzki-energia, eguzki-erloju, eguzki-orratz: elkarketa libreak izan arren, aspaldian erabiliak dira eta hiztegian sartzeak finkatzera lagunduko lieke, 'solar' nola itzul daitekeen argituz. Eguzkitza: 'egutera' esan nahi duen hitz hau, Euskal Herri osoko toponimian oso hedatua, sartzeko litzateke hiztegia.".

 - [E116]: "ongi ari da MA (eta kendu dut bigarrena oharrik gabekoen zerrendatik). XK-k eskatzen dituenetan, a) bereizketa proposatua du lantaldeak: Carlina acaulis gisa definituriko eguzki(-)lore lehen itzulikoaren ondoan, Helianthus annuus adierakoarentzat eguzki(-)belar eta ekilore ageri dira zerrenda honetan bertan, eta inork ez du proposamenaren kontrakorik aipatu; b) nik ere onartuko nituzke, adibide gisa, eguzki(-)energia (30 aldiz ageri da XX. mendeko corpusean), eguzki(-)erlojua (3 aldiz ageri da hor, eta beste hirutan eguzki-ordulari), eguzki(-)orratza (2 aldiz)".

 - Erabakia: Erabakia (2007-03-30): "a) eguzki sarreran jaso egingo dira, lantaldeak proposatuekin batera, XK-k aipatu dituen hiru adibideak ere: eguzki-energia; eguzki-erlojua; eguzki-orratza; b) azpisarrera berrietan ez da jasoko "eguzki(-)belar..." eta c) forma hori kendu egingo da eguzki(-)lili azpisarreraren azalpenetik ere. (Gainera, adibidea erantsiko zaio, bere lekuan, ekilore formari: ik. beherago). Beraz, honela emango da sarrera osoa: "eguzki iz.: eguzki-energia; eguzki-erlojua; eguzki-errainua; eguzki-izpia; eguzki-orratza." Eta azpisarrerak: eguzkia hartu, eguzki(-)begi Sin. egutera, eguzki-galda (g.er. da izen oso gisa), eguzki-galdatan, eguzki(-)haize 'sortaldeko haizea', eguzki(-)lili Ipar. 'ekilorea' (Helianthus annuus), eguzki(-)lore Carlina acaulis, eguzkipe: eguzkipean, eguzki saindu Ipar., eguzki(-)sistema, eguzkitan (egon), eguzkitara adlag. 1 'eguzkitan': eguzkitara luzaroan egon den artilea. 2 Heg. (eguzkitara atera, joan... esapideetan erabiltzen da), eguzki(-)urte".