euskarri
1 iz. Zerbaiti eusten dion gauza. Ik. irozgarri; irozkai. Mahai bat euskarritzat duela. Ongiak eta eginbideak elkarri eusten diote, bata bestearen habea eta euskarria delarik. Kolore deigarri bakarra bere betaurrekoen euskarriaren arrosa zen. || Solairuaren euskarri ipini dituzten zutabeak. 2 iz. Informazioa gordetzeko erabiltzen den materiala edo gailua. Euskarri magnetikoan gordea. Hemendik aurrera, argitaratuko diren dokumentu guztien kopia bana emango zaie, bai paperean bai euskarri elektronikoan.
3 iz. Zerbaiti eusten zaion tokia edo zatia. Orgaren lau kantoietatik lau euskarri ateratzen ziren, orgari itsatsirik.
4 iz. Babesa edo laguntza ematen duen gauza. Egungo gizartearen euskarririk sendoena estatua da. Familia, ordea, ez da euskarri ekonomiko soila. Elizgizonak kulturaren euskarri baliagarri eta ezinbesteko izan ziren.
5 iz. Iritzi, lege, doktrina eta kidekoez mintzatuz, horien oinarri den argudio edo froga. Pertsona horiek ez dute inolako euskarri juridikorik erabaki horri aurre egiteko. Lege honen testuak eransten dituen hobekuntza teknikoak honako euskarri hauetan oinarritzen dira (...).