arte2
1 iz. Tartea, bitartea, bereziki denborazkoa. Ordua hirurogei minuturen artea da. Atseden hartzeko arterik eman gabe. Hiltzerainoko artea. Eguzkirik gabeko arteetan. Etxetik lantegirako arte horretan gertatua. Pareta arte bat igarotzean. Han egon naizen arte guztian, sei hilabete edo, hogei lagun baino ez dira hil.
2 iz. Aipatzen diren gauzak edo pertsonak dauden lekua edo horiek osatzen duten taldea, multzoa edo erlazioa. (Leku-denborazko atzizkiekin, singularrean, izen soilaren edo -en atzizkiaren eskuinean). Ik. artean. Lasai bihur daitezke gure artera. Entzuleen artera erori zen. Hilen artetik piztu zena. Badirudi istant batean isuri zaizkigula urteak eskuen artetik. Asmo nagusi bat gailentzen zen beste guztien artetik. Etsai artetik. Beste zati bat elorri artera erori zen. Gure arteko kontuak (Ik. arteko). Bataren eta bestearen arteko ezberdintasunak. 3 iz. Aipatzen diren gauzek mugatzen duten lekua edo hedadura, aipatzen diren gauzen erdian dagoen lekua edo hedadura. (Leku-denborazko atzizkiekin, singularrean, izen soilaren edo -en atzizkiaren eskuinean). Europa eta Afrikaren arteko itsasoa. Gasteiz eta Bilbo arteko autobidea.