Hainbat urtez euskal gramatika egiteko ahaleginean ibili ondoren, Gramatika lanei bultzada handia eman zion Akademiak 1979an, Arrasateko IX. Biltzarrean, gramatika hartu zutenean aztergai nagusitzat, bereziki sintaxia. 1980an, Gramatika batzorde berria sortu zen, Piarres Lafitte buru zela, eginbehar zehatzarekin: Euskaltzaindiaren gramatika izango zena taxutu ahal izateko langaiak bilduz joatea.
Euskaltzaindiak 1982an ekin zion mende laurden baino gehiago iraun duen lan sistematikoari: Euskal Gramatika. Lehen Urratsak (EGLU) izeneko egitasmo erraldoiari ekiteko.
EGLU saila burutzearekin batera, haien eguneratze- eta osatze-lana egin da eta argitaratze-bidean jarri da: Euskararen gramatika, 2021. urtean argitaratuko dena.
Zeregin nagusia izango da hurrengo urteetan Euskararen gramatika argitalpenaren bertsio laburra egitea, hain zuzen ere, Gramatika laburra egitea.
Era berean, JAGONET hizkuntza-zerbitzuko galderei erantzun diete batzordeko erantzuleek edo batzordeak, kasuan kasuko eta eskaeren arabera.
Bibliotekaren berri Bibliotekaren Katalogoa Artxiboaren Katalogoa Zerbitzuak Harremana 
Resurreccion Maria Azkue Auspoa Principe de Viana "Anaitasuna" aldizkaria Luis Villasanteren idazlanak "Nafarkaria" Herri Literatura Euskararen Historia Soziala "Euskararen lekukoak" bilduma Georges Lacombe artxiboa Armanak Uskara edo Ziberouko Egunaria Aldizkari pedagogiko historikoak Piarres Lafitteren artxiboa 
