1. Webgunetik jasotako ZIP artxibotik ISO irudia atera edo erauzi

ISO irudia ZIP artxibo gisa jaitsi eta gero, artxibo horretatik ISO fitxategia atera edo erauzi. Windows XP sistemetan, eskuineko botoiarekin klik egin eta "Atera denak..." aginduaren bidez egin daiteke hori.

2. ISO irudia diskoan grabatu

ISO irudiak grabatzeko softwarea instalatuta baduzu (Nero, adibidez), programa horrek eskaintzen dituen aukerak erabili. Horrelakorik instalatuta ez baldin baduzu, jarrai argibide hauek.

1. Jaitsi ezazu ImgBurn izeneko programa helbide honetatik: http://www.imgburn.com/index.php?act=download, eta instalatu zure sisteman.
2. Instalatu duzun ImgBurn programa zabaldu eta aukeratu "Write image file to disc" (Grabatu irudi fitxategia diskoan)
3. Aukeratu ISO fitxategia eta sakatu Grabatu botoia (CDaren irudia duena).

3. Aplikazioa instalatu

1. Grabatu duzun diskoa CD-ROM unitatean sartu eta zabaldu Windows esploradorearen bidez
2. Exekutatu "Instalatu" karpetako EHHA.msi instalazio-programa.

Oharra: Behin aplikazioa zure ordenagailuan instalatuta, CD-ROMak unitatean sartuta egon behar du programa erabili ahal izateko.