Azaroaren 19an, Euskal Herrira egiten ari den bisita baliatuz, Euskaltzaindiaren egoitzan izan zen Txema Salcedo, Euskal Herrian jaio baina ia bizitza osoa Perun eman duen kazetari eta zinemagilea.
Salcedo Zorrotzan jaio zen, eta lau urte zituela, Perun erbesteratu zen, familiarekin batera. 1936ko gerran, "Irrintzi" batailoiko gudari izan zen aitari buruzko dokumentala egin nahi du orain, eta, besteren artean, horretarako etorri da Euskal Herrira.
Bisitan, egoitza ikusteaz gain, Gueñes (Bizkaia) herrikoa den Salcedo deiturari buruzko agiria jaso zuen.