Otsailaren 27an, Euskaltzaindiak ageriko bilkura egingo du Donostian, Gipuzkoako Foru Aldundian, arratsaldeko 16:30ean, hil diren euskaltzain hauek omentzeko: Milagros Bidegain euskaltzain urgazlea, Jose Ignacio Telletxea Idigoras euskaltzain urgazlea, Jacques Etxeberri euskaltzain urgazlea, Henrike Knörr euskaltzain osoa, Xabier Diharce "Iratzeder" euskaltzain emeritua eta Karmelo Etxenagusia ohorezko euskaltzaina.
Honako hilberri-txostenak irakurriko dira:
- Milagros Bidegain. Euskaltzain urgazlea (Donostia, 1922-6-6 / 2006-12-23). Hilberri-txostena Maria Pilar Lasarte euskaltzain urgazleak irakurriko du.
- Jose Ignacio Telletxea Idigoras. Euskaltzain urgazlea (Donostia, 1928-4-15 / 2008-3-8) Hilberri-txostena Joseba Intxausti ohorezko euskaltzainak landuko du.
- Jacques Etxeberri. Euskaltzain urgazlea (Donibane Lohizune, 1921-12-16 / Baiona, 2008-3-22. Hilberri-txostena Piarres Xarriton euskaltzain emerituak irakurriko du.
- Henrike Knörr. Euskaltzain osoa (Tarragona, 1947-3-2 / Gasteiz, 2008-4-30). Hilberri-txostena Jose Luis Lizundia euskaltzain osoak egingo du.
- Xabier Diharce "Iratzader". Euskaltzain osoa (Donibane Lohizune, 1920-1-4 / Belok, 2008-10-13). Hilberri-txostena Jean Haritschelhar euskaltzain emerituak irakurriko du.
- Karmelo Etxenagusia. Ohorezko euskaltzaina (Iurreta, 1932-4-24 / Bilbo, 2008-11-6). Hilberri-txostena Adolfo Arejita euskaltzain osoak landuko du.